हेटौडा । तेस्रो टोल स्तरीय फुटबल प्रतियोगितामा धाप टोल विकास, खाद्य टोल विकास र दिव्यपद टोल विकासले क्वाटरफाइनलमा स्थान बनाएका छन् ।
बुधबार भएको खेलमा धाप टोलले आदर्श टोल विकास माथि १-० गोलको जित हात पार्यो । धाप टोलको जितमा सुभम खड्काले निर्णायक गोल गरे ।
दोस्रो खेलमा खाद्य टोलले प्रगतिशील टोल विकासलाई टाइब्रेकरमा ४-३ ले पराजित गर्यो । निर्धारित समयको खेल २-२ गोलको बराबरीमा टुंगिएपछि खेल पेनाल्टीमा गएको थियो।
यस्तै दिनको तेस्रो खेलमा दिव्यपद टोल विकासले स्वागत टोल विकासलाई २-० गोल अन्तरले पराजित गर्यो ।
दिव्यपदको जितमा दिनेश फुयालले दुई गोल गरे ।
प्रतियोगिताको विजेताले ३० हजार तथा उपविजेताले १५ हजार पुरस्कार रकम प्राप्त गर्ने छन् ।