एजेन्सी । जर्मन बुन्डेसलिगा फुटबलमा उपाधि दाबेदार बोरुसिया डर्टमण्ड पराजित भएको छ ।
मंगलबार राति भएको खेलमा डर्टमण्ड बायर लेवरकुसेनसँग २-१ गोल अन्तरले पराजित भएको हो ।
लेवरकुसेनलाई जित दिलाउन मोउसा डियाबी र फ्लोरिन विर्ट्जले एक एक गोल गरे ।
डर्टमण्डका जुलियन ब्रान्टले एक गोल फर्काए ।
खेलको १४ औं मिनेटमा मोउसाले गोल गर्दै लेवरकुसेनलाई अग्रता दिलाएका थिए ।
तर, ६७ औं मिनेटमा जुलियनले गोल गर्दै डर्टमण्डलाई १-१ गोलको बराबरीमा ल्याए ।
त्यसपछि खेलको ८० औं मिनेटमा फ्लोरिनले गोल गर्दै लेवरकुसेनलाई २-१ को जित दिलाए ।
जितसंगै लेवरकुसेनले दोस्रो स्थानमा उक्लिएको छ ।
लेवरकुसेनले ३२ अंक जोडेको छ ।
डर्टमण्ड २९ अंक जोडेर चौंथो स्थानमा रहेको छ ।
अर्को खेलमा बोरुसिया मन्छेनग्लाडबाखले वेर्डेर ब्रेमेनलाई १-० ले हराएको छ ।
.JPG)
