एजेन्सी । जर्मन बुन्डेसलिगा फुटबलमा बोरुसिया डर्टमण्ड बराबरीमा रोकिएको छ ।
शनिबार राति भएको खेलमा डर्टमण्ड मैन्जसँग १-१ गोलको बराबरीमा रोकिएको हो ।
उपाधि दाबेदार टिम डर्टमण्ड घरेलु मैदानमै बराबरीमा रोकिएको हो ।
खेलमा सुरुवाती अग्रता मैन्जले बनाएको थियो । खेलको ५७ औं मिनेटमा लेभिन मेटेले गोल गर्दै टोलीलाई अग्रता दिलाएका थिए ।
त्यसअघि खेलको दोस्रो मिनेटमै डर्टमण्डका लागि अर्लिङ हालाण्डले गोल गरेका थिए । तर, उनको गोलले मान्यता पाएन । उनी अफसाइट देखिएका थिए ।
खेलको ७३ औं मिनेटमा थोमस मुनिरले गोल गर्दै डर्टमण्डलाई १-१ गोलको बराबरीमा फर्काए ।
त्यसपछि खेलको ७६ औं मिनेटमा डर्टमण्डले पेनाल्टीको अवसर प्राप्त गर्यो । तर, मार्को रिउसले पेनाल्टीमा गोल गर्न नसक्दा डर्टमण्ड जित निकाल्नबाट बन्चित भयो । उनको प्रहार बाहिरिएको थियो ।
बराबरीमा रोकिएसँगै डर्टमण्ड २९ अंक जोडेको छ । डर्टमण्ड चौंथो स्थानमा रहेको छ ।
मैन्ज ७ अंक जोडेर पुछारबाट दोस्रो स्थानमा रहेको छ ।
अर्को खेलमा आरबी लाइपजिगले वुल्फवर्गसँग २-२ गोलको बराबरी खेलेको छ ।
बराबरीसँगै लाइपजिग शीर्ष स्थान्ब्मा उक्लन असफल भएको छ ।
लाइपजिग ३२ अंक जोडेर दोस्रो स्थानमा रहेको छ ।
