चितवन । पोखराको लेखनाथ युनाईटेड क्लब माडी गोल्डकप फुटबलको सेमिफाइनलमा प्रवेश गरेको छ ।
शनिबार भएको खेलमा हानामी एभरेस्ट क्लबलाई २-० ले पराजित गर्दै लेखनाथ अन्तिम चारमा पुगेको हो ।
चितवनको माडी माबिको खेल मैदानमा लेखनाथलाई जित दिलाउन रुपक लामा र अमित तामाङले एक एक गोल गरे ।
खेलको २८ औं मिनेटमा रुपकले गोल गर्दै टोलीलाई अग्रता दिलाएका थिए । त्यसपछि खेलको ७५ औं मिनेटमा अमितले गोल गर्दै लेखनाथलाई २-० को जित दिलाए ।
खेल अघि अर्जेन्टिनाका महान खेलाडी डिएगो म्यारोडोनाप्रति श्रद्धाञ्जली व्यक्त गरिएको थियो ।
बसन्तपुर युनाईटेड क्लबले आयोजना गरेको प्रतियोगितामा ८ टिमको सहभागिता रहेको छ ।
प्रतियोगिताको विजेताले २ लाख प्राप्त गर्दा उपविजेताले १ लाख प्राप्त गर्ने छन् ।
यस्तै सर्वोकृष्ट खेलाडीले १० हजार प्राप्त गर्ने छन् ।
व्यक्तिगत विधातर्फ उत्कृष्ट फरवार्ड, डिफेन्डर, गोलकिपर, मिडफिल्डरले ५/५ हजार पाउने छन् ।
सर्वाधिक गोलकर्ताले ७ हजार ५ सय प्राप्त गर्दा उत्कृष्ट प्रशिक्षक र उदयमान खेलाडीले ३ हजार ५ सय प्राप्त गर्ने छन् ।
