चितवन । सर्वश्रेष्ठ एनसीएफसी र जु एफसीले चितवनको नारायणीमा सुरु सेभेन 'ए' साइट फुटबलमा जित निकालेका छन् ।
नारायणी नदि किनारमा बुधबार सर्वश्रेष्ठ एनसीएफसीले बाम्बो लज एभरग्रिन एफसीलाई ४-० ले पराजित गर्यो ।
जु एफसीले नारायणी एफसीलाई २-० ले स्तब्ध बनायो ।
एडुराइज ब्रोदर्स फुटसलले देवघाट एफसीलाई २-१ ले हराएको छ ।
यस्तै अलस्टारले मादीलाई टाइब्रेकरमा ४-३ ले हराएको छ ।
नारायणी एकता क्लबको आयोजनामा जारी प्रतियोगिता माघ २ सम्म चल्नेछ ।
प्रतियोगितामा ३२ टिमको सहभागिता रहेको छ ।
प्रतियोगिताको विजेताले ४० हजार प्राप्त गर्दा उपविजेताले २० हजार पाउने छन् ।