एजेन्सी । एसी मिलान कोपा इटालिय फुटबलको क्वाटरफाइनलमा प्रवेश गरेको छ ।
मंगलबार राति भएको खेलमा टोरिनोलाई पेनाल्टी सुटआउटमा ५-४ गोल अन्तरले पराजित गर्दै मिलानले क्वाटरफाइनलमा स्थान बनाएको हो ।
मिलानको मैदानमा निर्धारित र थप गरिएको समय गोलरहित बराबरीमा सकिएपछि खेल पेनाल्टीमा गएको थियो ।
पेनाल्टीमा मिलानका फ्रान्क केस्सी, थियो हर्नान्डेज,सान्ड्रो टोनाली, एलिस्सियो रोमाग्नोली र हाकनले गोल गरे ।
टोरिनोका आन्द्रे बेलोट्टी, सासा, ल्यान्को र भान्जा साभिकले गोल गरे ।
तर,थोमस रिनकोन भने गोल गर्न असफल भए ।
पेनाल्टी अघि घरेलु टिम मिलान १० खेलाडीमा समेटिएको थियो ।
उसका जियानलुगीले ७३ औं मिनेटमा रातो कार्ड पाएका थिए ।
घरेलु टिम १० खेलाडीमा समेटिएपनि टोरिनोले फाइदा उठाउन भने सकेन ।
