एजेन्सी । फ्रेन्च महिला रेफ्री स्टेफनी फ्रापर्ट पुरुषको च्याम्पियन्स लिग खेल खेलाउने पहिलो महिला रेफ्री बनेकी छिन् ।
च्याम्पियन्स लिग अन्तर्गत बुधबार राति इटालियन क्लब युभेन्ट्स र डाइनामो किभबीचको खेल खेलाउदै स्टेफनीले इतिहास रचेकी हुन् ।
युभेन्ट्सको मैदानमा भएको उक्त खेल घरेलु टोलीले ३-० ले जितेको थियो ।
३६ वर्षीया स्टेफनी यूईएफएको पुरुष फुटबलको मुख्य प्रतियोगिता खेलाउने पहिलो महिला रेफ्री समेत हुन्।
स्टेफनीले सन् २०१९ मा लिभरपुल र चेल्सीबीचको सुपर कप खेलाएकी थिइन् ।
सन् २०१९ को महिला विश्वकप फुटबलमा अमेरिका नेदरल्यान्ड्सबीचको फाइनल खेल समेत उनले खेलाएकी थिइन् ।
स्टेफनीले सन् २०१९ बाट फ्रेन्च लिग वानमा रेफ्रीको भूमिका निर्वाह गर्दै आईरहेकी छिन् ।
-1751593454.webp)
