एजेन्सी । यूईएफए च्याम्पियन्स लिग फुटबलमा आज म्यानचेस्टर सिटीले ओलम्पियाकोससँग प्रतिस्पर्धा गर्ने छन् ।
सिटीले ओलम्पियाकोससँग उसैको मैदानमा खेल्नेछ । दुई टिमबीचको खेल नेपाली समय अनुसार राति ११:४० बजे सुरु हुनेछ ।
ग्रिसको भ्रमण गर्दा सिटी लगातार चौंथो जित निकाल्ने लक्ष्यमा हुनेछ ।
समूह 'सी' मा रहेको सिटी अपराजित रहेको छ । सिटीले ३ खेलमा ९ अंक जोडेको छ ।
ओलम्पियाकोसलाई हराएर सिटी नकआउट चरणमा पुग्न चाहन्छ ।
ओलम्पियाकोस ३ खेलमा ३ अंक जोडेर तेस्रो स्थानमा रहेको छ ।
घरेलु मैदानमा सिटीलाई हराएर ओलम्पियाकोस नकआउट चरणको सम्भावना कायम राख्न चाहन्छ ।
यसै समूहको अर्को खेलमा पोर्टोले मार्सेलीसँग खेल्नेछ ।