एजेन्सी । प्रिमियर लिग क्लब टोटेनहमका मुख्य प्रशिक्षक जोसे मोरिन्होले ग्यारेथ बेलले क्लब छाडेपछि रियल मड्रिडका मुख्य प्रशिक्षक जिनेदिन जिदान खुशी भएको बताएका छन् ।
पोर्चुगिज प्रशिक्षक मोरिन्होले पत्रकार सम्मेलनमा बेलको सरुवाबारे कुरा गर्दै उनी क्लबमा नहुदा जिदान खुशी भएको बताएका हुन् ।
'मैले जिदानसँग कुरा त गरेको छैन । तर, मलाई विश्वास छ कि उसले छाडेकोमा जिदान खुशी छ,' मोरिन्होले भने ।
वेल्सका फरवार्ड बेल गत साता रियलबाट एक सिजनको लागि लोनमा टोटेनहम आएका थिए ।
३१ वर्षीय बेल सन् २०१३ मा विश्व कीर्तिमानी मूल्यमा टोटेनहमबाटै रियल आएका थिए ।
उनले रियलबाट एक सय भन्दा बढी गोल गर्नुका साथै चार च्याम्पियन्स लिगको उपाधि जितेका थिए ।
तर, चोट र प्रशिक्षक जिदानसँग चिसिएको सम्बन्धको कारण बेलले रियलमा पछिल्लो समय कम मौका पाउदै आइरहेका थिए ।
यस्तै प्रशिक्षक मोरिन्होले बेल अनुबन्धित हुँदा आफुहरु खुशी भएको समेत बताए ।
'हामी खुशी छौं कि उनी यहाँ छन् । अवश्य पनि बेल यहाँ आउन पाउँदा खुशी छ । सिजनको अन्त्यमा हामी सबै खुशी हुनेछौ र उहाँ हामीसँग रहन सक्नु हुनेछ,' मोरिन्होले थपे ।
-1752288200.webp)
