एजेन्सी । आर्सनल समेत ब्राजिली स्टार फिलिप कौटिन्होको अनुबन्धको दौडमा देखिएको छ ।
जर्मन क्लब बार्यन म्युनिखबाट लोनमा खेलिरहेका बार्सिलोनाका खेलाडी अनुबन्धमा अर्को लण्डन क्लब आर्सनल समेत ईच्छुक देखिएको हो ।
स्पेनबाट लोनमा बार्यन खेल्न पुगेका कौटिन्होलाई सिजनको अन्तिममा बुन्डेसलिगा क्लब फिर्ता पठाउदैछ । बार्सिलोना समेत ला लिगामा असफल रहेका मिडफिल्डर कौटिन्होलाई बेच्न चाहन्छ ।
आर्सनल प्रशिक्षक मिकेल आर्टेटाले कौटिन्होलाई अनुबन्ध गर्न चाहेको बताएका छन् । आर्सनलको शहरी प्रतिद्धन्दी चेल्सीले समेत प्रिमियर लिगका पूर्व खेलाडीलाई अनुबन्ध गर्न ईच्छा देखाएको छ । कौटिन्होको बार्सिलोनाको सम्झौता अझै तीन बर्ष बाँकीनै छ ।
कौटिन्हो तीन बर्ष अघि लिभरपुलबाट नाउ क्याम्प आण्एका थिए । तर उनी पहिलो टिममै पर्न असफल रहदै आएका छन् । सोही कारण उनी समर ट्रान्सफरमा क्लब छाड्न चाहन्छन् ।
फ्रान्सेली खेलकुद अनलाईन पत्रिकाले उल्लेख गरे अनुसार आर्सनलले २७ बर्षिया मिडफिल्डरका एजेण्टसंग कौटिन्होको सम्भावित गन्तव्यको बिषयमा छलफल गरिरहेको छ ।
आर्सनल प्रशिक्षक अर्टेटाले आफु कौटिन्होलाई अनुबन्ध गर्न अत्यन्त ईच्छुक रहेको बताउँदै आएका छन् । उनले कौटिन्होलाई आक्रमक मिडफिल्डर र फरवार्डमा खेलाउन ईच्छुक रहेको स्पष्ट पारेका छन् ।
कौटिन्हो दुवै भुमिकामा लिभरपुलमा समेत चम्किएका थिए । उनले लिभरपुलमा चार सिजन बिताएका थिए । लगत्तै ब्राजिली स्टार कीर्तिमानी १ सय ४२ मिलियन पाउण्डमा बार्सिलोना पुगेका थिए ।
लिभरपुलमा रहदाँ कौटिन्होले आफुलाई युरोपकै आक्रमक मिडफिल्डरको रुपमा स्थापित गरेका थिए । उनले १ सय ५२ खेलमा कुल ४१ गोल गरेका थिए ।
गत डिसेम्बरमा उनाई ईम्रीलाई प्रतिस्थापन गर्दै लण्डन क्लबको नेतृत्वमा आएका अर्टेटा कौटिन्होलाई सोही भुमिकामा आर्सनलमा स्थापित गर्न चाहन्छन् ।
आर्सनलले कौटिन्हो किन्न शहरी प्रतिद्धन्दी चेल्सीसंग प्रतिस्पर्धा गर्नुपर्नेछ ।