पोखरा । नवौं राष्ट्रिय खेलकुद अन्तर्गत फेन्सिङ महिला टिम फोयलमा एपीएफले स्वर्ण पदक जितेको छ ।
एपीएफले बागमतीलाई पराजित गर्दै स्वर्ण जितेको हो । एपीएफले बागमतीलाई ४५–३६ ले पराजित गरेको हो । त्रिभुवन आर्मी र गण्डकी प्रदेशले कास्य पदक पाए ।
पुरुषको सेवरतर्फ त्रिभुवन आर्मीले स्वर्ण जितेको छ । सेनाले बामतीलाई ४५–२४ अंकले पराजित गर्दै स्वर्ण जितेको हो । सेनाले स्वर्ण संख्या ४ बनायो । तेश्रो स्थानमा एपीएफ र गण्डकी रहे ।
प्रतियोगिताको प्राविधिक कारणले रोकिएको पुरुष ईपीको खेल शुक्रबार बिहान हुने प्रतियोगिताका निर्णायक अनुप कपालीले जानकारी गराए ।
विजयी खेलाडीहरुलाई नेपाल ओलम्पिक कमिटिका उपाध्यक्ष एवं ट्राईयाथलन संघका अध्यक्ष निलेन्द्र राज श्रेष्ठलगायतले पुरस्कार वितरण गरेका थिए ।
