दक्षिण अफ्रिकालाई फिफाको कारबाही

काठमाडौं। विश्वकप छनोटमा निषेधित खेलाडीलाई मैदानमा पठाएको भन्दै फिफाले दक्षिण अफ्रिकालाई कारबाही गरेको छ। तीन अंक कटौतीसहित १० हजार स्विस फ्रांक जरिबाना गरिएको छ।

गत मार्चमा आफ्नो घरेलु मैदानमा लेसोथोसँग २–० को जित निकाल्दा दक्षिण अफ्रिकाले गल्तीवश तेबेहो मोकावेनालाई खेलाएका थिए। समूह ‘सी’मा अघिल्ला दुई खेलमा पहेँलो कार्ड पाएपछि उक्त मिडफिल्डरलाई त्यतिबेला खेल्न निषेधित थिए।

फिफाले सोमबार जानकारी दिँदै शृंखलाबद्धतासम्बन्धी समितिले दक्षिण अफ्रिकालाई दोषी ठहराएको जनाएको छ। उक्त लेसोथोविरुद्धको खेल अब ३–० को नतिजामा लेसोथो विजयी घोषणा गरिएको छ।

यस अंक कटौतीसँगै दक्षिण अफ्रिकाको २०२६ विश्वकप खेल्ने स्थिति अनिश्चित भएको छ। समूहको शीर्ष स्थान बेनिनले ओगटेको छ। दुई टोलीको १४–१४ अंक भए तापनि गोल अन्तरका कारण बेनिन अगाडि छ।

समूहमा तेस्रो स्थानमा रहेको नाइजेरियाले ३ अंकले पछि परेको छ भने रुवान्डा पनि ११ अंकसहित बाँकी स्थानमा छ। समूहको शीर्ष टोली सिधै विश्वकपमा स्थान पाउनेछ भने रनर्स–अपले प्ले–अफ जित्नुपर्नेछ।