काठमाडौं । अन्तर्राष्ट्रिय क्रिकेट परिषद् (आइसीसी) ले अमेरिकाका तीव्र गतिका बलर कायल फिलिपलाई निलम्बन गरेको छ ।
गलत बलिङ एक्सनको कारण उनलाई निलम्बन गरेको आइसीसीले जनाएको छ ।
जिम्बावेमा जारी विश्वकप छनोटको वेस्ट इन्डिजसँगको खेलको क्रममा उनको बलिङ एक्शनलाई लिएर म्याच रेफ्रीले रिपोर्ट गरेका थिए ।
र, उनले आफ्नो बलिङ एक्शन नसुधारे सम्म पुन बलिङ गर्न नपाउने निर्णयमा आइसीसी पुगेको छ । फिलिपले पछिल्लो खेल विश्वकप छनोटमा नेपालविरुद्ध खेलेका थिए ।
नेपालविरुद्धको खेलमा फिलिपले ७ ओभरमा विना विकेट ४९ रन खर्चिएका थिए ।
२६ बर्षिय फिलिपले ५ ओडिआई खेलमा ६ विकेट लिएका छन् । आइसीसी विश्वकप लिग टू अन्तर्गत ओमानमा भएको त्रिदेशिय सिरिजमा नेपालविरुद्ध डेब्यू गरेका थिए ।
अमेरिकाका अर्का तीव्र गतिका बलर अली खान दुई खेल प्रतिबन्धबाट भर्खर मात्र फुकुवा भएका छन् । खानले नेदरल्यान्ड्ससँग बिहीबार भएको खेलमा पूनरागमन गरेका थिए ।
खराब अनुशासन र सेलेब्रेसनको कारण खानले नेपाल र वेस्टइन्डिजसँगको खेल गुमाएका थिए ।
