एभिनियरलाई हराउँदै शेर्पा फाइनलमा 

काठमाडौं । हेटौंडामा जारी सहिद स्मृति स्थानीय तह अन्तर्राष्ट्रिय फुटबल प्रतियोगितामा हिमालयन शेर्पा क्लब फाइनल प्रवेश गरेको छ । 

सोमबार भएको दोस्रो सेमिफाइनलमा क्यामरुनी क्लब एभिनियर एफसीलाई पराजित गर्दै शेर्पा फाइनलमा प्रवेश गरेको छ ।

ए डिभिजन क्लब शेर्पाले एभिनिएरलाई १–० गोलअन्तरले पराजित गरेको हो । 

शेर्पाको लागि ५२ औं मिनेटमा सुनिल श्रेष्ठले विजयी गोल गरेका थिए । शेर्पाले फाइनलमा मनाङ मर्स्याङ्दीसँग उपाधिको लागि भिड्ने छ । आईतबार विभागीय टिम एपीएफलाई टाइब्रेकरमा पराजित गर्दै मनाङ प्रतियोगिताको फाइनल प्रवेश गरिसकेको छ ।

प्रतियोगिताको विजेताले उपाधि सहित १५ लाख र उपविजेताले १० लाख रुपैयाँ प्राप्त गर्नेछ ।