तीन क्यामरुनी खेलाडी एनआरटीमा

काठमाडौं । सहिद स्मारक 'ए' डिभिजन लिग क्लब न्युरोड टिम क्यामरुनका तीन खेलाडीलाई अनुबन्ध गरेको छ ।

एनआरटीले क्यामरुनका फरवार्ड निकोलस सेर्जी सङ, मिफिल्डर स्टेफेन जुनियर एनगुमबोउस र डिफेन्डर जिन एनिसेन्ट एमबौमीलाई अनुबन्ध गरेको हो ।

एनआरटीले सोमबार सामाजिक संजालबाट विदेशी कोटामा तीन क्यामरुनी खेलाडीलाई अनुबन्ध गरिएको जनाएको छ।

एनआरटीले नयाँ सिजनको 'ए' डिभिजन लिगका लागि उनीहरुलाई अनुबन्ध गरेको हो ।

नयाँ सिजनको लिगका लागि एनआरटीले भारतीय फरवार्डद्वय सैभिस सिंह र लालनुन्जामा कोल्नेलाई समेत अनुबन्ध गरिसकेको छ ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ ।

लिग डबल राउण्ड रोबिनको आधारमा हुनेछ ।