एनआरटीमा दुई भारतीय फरवार्ड

काठमाडौं । सहिद स्मारक 'ए' डिभिजन लिग क्लब न्युरोड टिम एनआरटीले भारतीय फरवार्डद्वय सैभिस सिंह र लालनुन्जामा कोल्नेलाई अनुबन्ध गरेको छ ।

एनआरटीले सोमबार सामाजिक संजालबाट दुई भारतीय फरवार्डलाई अनुबन्ध गरिएको जनाएको छ ।

एनआरटीले १९ वर्षीय फरवार्ड सिंहले दिल्ली युनाईटेड एफसीबाट अनुबन्ध गरेको हो । यस्तै लालनुन्जामालाई एफसी गोवाबाट अनुबन्ध गरेको हो ।

एनआरटीले नयाँ सिजनको 'ए' डिभिजन लिगका लागि दुई फरवार्डलाई साउथ एसियन कोटामा अनुबन्ध गरेको हो ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ ।

लिग डबल राउण्ड रोबिनको आधारमा हुनेछ ।