प्रिमियर लिगमा आज ७ खेल हुँदै

काठमाडौं । इंग्लिस प्रिमियर लिग फुटबलमा आज शनिबार सात खेलहरु हुँदैछन ।

प्रिमियर लिगमा शनिबार आर्सनल, चेल्सी, टोटेनहम लगायतका टोलीको खेलहरु हुँदैछन् ।

पहिलो खेलमा चेल्सी र वेस्ट ह्यामबीच प्रतिस्पर्धा हुनेछ । खेल नेपाली समय अनुसार साँझ ६:१५ बजे सुरु हुनेछ ।

यस्तै राति ८:४५ बजे विभिन्न ५ खेलहरु हुँदैछ । जसमा शीर्ष स्थानको आर्सनलले ब्रेन्टफोर्डसँग खेल्ने छ ।

यस्तै क्रिस्टल प्यालेसले ब्राइटन, फुलहमले नटिङघम फरेस्ट, उल्सले साउथह्याम्पटनसँग खेल्नेछ ।

अर्को खेलमा लेस्टर सिटीले टोटेनहमसँग खेल्नेछ ।

त्यस्तै न्युकासल र बर्नेमाउथबीचको खेल राति ११:१५ बजे सुरु हुनेछ ।