पारस महिला टिमको सहायक प्रशिक्षक नियुक्त

काठमाडौं । पारस चौधरी नेपाली राष्ट्रिय महिला फुटबल टिमको सहायक प्रशिक्षक नियुक्त भएका छन् ।

अखिल नेपाल फुटबल संघ (एन्फा) ले शुक्रबार पारसलाई महिला टिमको सहायक प्रशिक्षक नियुक्त गरिएको जनाएको छ।

आगामी भारतविरुद्धको मैत्रीपूर्ण खेलका लागि एन्फाले चौधरीलाई महिला टिमको सहायक प्रशिक्षकको जिम्मेवारी दिएको हो ।

नेपाली टोलीको मुख्य प्रशिक्षकमा अनन्त राज थापा छन् ।

एन्फाका महसचिव किरण राईले चौधरीलाई नियुक्तिपत्र प्रदान गरे ।

नेपाली महिला टोलीले भारतसँग उसैको मैदानमा खेल्नेछ ।  मैत्रीपूर्ण खेल फेब्रुअरी १३ देखि २५ को बिचमा हुनेछ ।