रोनाल्डोको ४ गोल

काठमाडौं ।  साउदी प्रो लिग फुटबलमा क्रिस्टियानो रोनाल्डो आबद्द अल नसरले सहज जित निकालेको छ ।

बिहीबार राति भएको खेलमा नसरले अल वेह्दालाई ४-० गोल अन्तरले हराएको हो ।

अल नसरको जितमा रोनाल्डो एक्लैले ४ गोल गरे ।

खेलको २१ औं मिनेटमा रोनाल्डोले गोल गर्दै टोलीलाई सुरुआती अग्रता दिलाएका थिए ।

४० औं मिनेटमा रोनाल्डोले व्यक्तिगत दोस्रो गोल गरे ।

खेलको ५३ औं मिनेटमा रोनाल्डोले पेनाल्टीबाट गोल गर्दै ह्याट्रिक पूरा गर्दा नसरको अग्रता ३-० को बन्यो ।

त्यसपछि खेलको ६१ औं मिनेटमा रोनाल्डोले व्यक्तिगत चौंथो गोल गर्दै नसरलाई सहज जित दिलाए ।

रोनाल्डोले ५ सय लिग गोल समेत पूरा गरेका छन् ।

जितसँगै नसर शीर्ष स्थानमा उक्लिएको छ ।

नसरले १६ खेलमा ३७ अंक जोडेको छ ।

वेह्दा १५ अंक जोडेर १३ औं स्थानमा रहेको छ ।