मिडफिल्डर सुशील हिमालयन शेर्पामा

काठमाडौं । सहिद स्मारक 'ए' डिभिजन लिग क्लब हिमालयन शेर्पाले मिडफिल्डर सुशील राईलाई अनुबन्ध गरेको छ।

हिमालयनले सामाजिक संजालबाट मिडफिल्डर सुशीललाई अनुबन्ध गरिएको जनाएको छ ।

नयाँ सिजनको सहिद स्मारक 'ए' डिभिजन लिगका लागि हिमालयनले सुशीललाई अनुबन्ध गरेको हो ।

सुशीलले अघिल्लो सिजनको लिग सातदोबाटो युथ क्लबबाट खेलेका थिए ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ । लिग डबल राउण्ड रोबिनको आधारमा हुनेछ ।

यस अघि हिमालयनले मिडफिल्डर निशान लिम्बु,  डिफेन्डर संजय राजबाहक, सोनित दाहाल, खामिर गिल्सान र यदु सिलवाललाई अनुबन्ध गरेको थियो।

यस्तै हिमालयनले दिवस उराउसँगको सम्झौता नविकरण गरिएको जनाएको छ ।