पीएसजी फ्रेन्च कपबाट बाहिरियो

काठमाडौं । १४ पटकको विजेता पेरिस सेन्ट जर्मेन (पीएसजी) फ्रेन्च कप फुटबलको अन्तिम १६ बाट बाहिरिएको छ ।

बुधबार राति भएको खेलमा मार्सेसँग २-१ ले पराजित भएपछि पीएसजी बाहिरिएको हो ।

मार्सेलाई जित दिलाउन एलेक्सिस सान्चेज र रुस्लान मालिनोभास्कीले एक एक गोल गरे ।

पीएसजीका सर्जियो रामोसले एक गोल फर्काए ।

खेलको ३१ औं मिनेटमा एलेक्सिस सान्चेजले पेनाल्टीमार्फत गोल गर्दै मार्सेलाई सुरुआती अग्रता दिलाएका थिए ।

पहिलो हाफको इन्जुरी समयमा सर्जियो रामोसले गोल गर्दै पीएसजीलाई १-१ को बराबरीमा ल्याए ।

त्यसपछि खेलको ५७ औं मिनेटमा रुस्लान मालिनोभास्कीले गोल गर्दै मार्सेलाई २-१ को जित दिलाए ।