श्री भगवतीको सुखद अन्त्य

काठमाडौं । सहिद स्मारक 'बी' डिभिजन लिग फुटबल अन्तर्गत आफ्नो अन्तिम खेलमा श्री भगवती क्लबले जित निकालेको छ ।

एन्फा कम्प्लेक्समा शुक्रबार भएको खेलमा श्री भगवतीले विरगंज युनाईटेडलाई २-० गोल अन्तरले हराएको हो।

खेलको ४८ औं मिनेटमा अनुज भण्डारीले गोल गर्दै श्री भगवतीलाई सुरुआती अग्रता दिलाएका थिए ।

त्यसपछि खेलको ८२ औं मिनेटमा अनुजले व्यक्तिगत दोस्रो गोल गर्दै श्री भगवतीलाई २-० को जित दिलाए ।

यस जितसँगै श्री भगवतीले लिगमा सुखद अन्त्य गरेको छ ।

जितसँगै श्री भगवतीले १३ खेलमा १८ अंक जोडेको छ ।

विरगंजले १३ खेलमा १६ अंक जोड्यो ।