पीएसजीमा इतिहास लेख्न आएको हुँ – नेयमार
एजेन्सी । ब्राजिली स्टार नेयमारले पेरिस सेन्ट जर्मेन (पीएसजी)मा आफु इतिहास लेख्न आएको बताएका छन् ।
च्याम्पियन्स लिगको फाईनलमा बायर्न म्युनिखबिरुद्ध उत्रनु अघि नेयमारले आफु इतिहास लेख्न पीएसजी आएको बताएका हुन् ।
‘च्याम्पियन्स लिग जित्नु पक्कैपनि विशेष हो । यो मलाई थाहा छ । तर पीएसजीमा रहेर जित्नु ईतिहास लेख्नुपनि हो । र म पीएसजी यही गर्न आएको हुँ ।’ स्टार डेलीलाई दिएको अन्तरवार्तामा नेयमारले भनेका छन् ।
उनले नकआउट चरणको प्रर्दशनले अन्तिम खेलमा कुनै अर्थ नराख्ने भन्दै आफ्नो ध्यान फाईनल खेलमा केन्द्रित रहेको बताए ।
‘सेमिफाईनलमा निकै राम्रो प्रर्दशन रह्यो । तर सेमिफाईनल कसले जित्यो, त्यो कसैले याद गर्ने छैन् ।’ नेयमार भन्छन् ।
नेयमार प्ररित पीएसजीले अन्तिम १६ को खेलमा बोरुसिया डर्टमण्डलाई हराएको थियो । नेयमारकै उत्कृष्ट प्रर्दशनमा पीएसजीले क्वार्टरफाईनलमा एटलान्टा र सेमिफाईनलमा जर्मन क्लब आरबी लाइपेजिगलाई हराएको थियो ।
आफ्नै नेतृत्वमा च्याम्पियन्स लिग जित्ने लक्ष्य सहित नेयमार स्पेनिस क्लब बार्सिलोनाबाट तीन बर्ष अघि पीएसजी आएका थिए । उनलाई पीएसजीले कीर्तिमानी २ सय २० मिलियन पाउण्डमा क्लबमा अनुबन्धन गरेको थियो ।
नेयमार आफुमाथि रहेको विश्व कीर्तिमानी मुल्यलाई न्याय गर्ने अवसरको संघारमा छन् ।
उनी सम्मिलित पीएसजीले आज (आईतबार) राति जर्मन क्लब बायर्न म्युनिखसंग प्रतिस्पर्धा गर्दैछ ।
नेयमार यस सिजन चोटबाट मैदान फर्कदै १९ गोलका साथै १२ गोलको अवसर सिर्जना गरेका छन् ।
नेयमारले बायर्नमा धेरै राम्रा खेलाडी रहेको उल्लेख गर्दै पीएसजीको स्तर समेत माथि रहेको बताए ।
‘बायर्न निकै राम्रो खेल्नेछ । तर हामी तयार छौ । उनीहरुसंग धेरै राम्रा खेलाडी छन् । हाम्रो स्तरपनि उच्च छ ।’ उनले भनेका छन् ।
नेयमारले आफु पीएसजी आएदेखिकै उच्च फर्ममा रहेको समेत उल्लेख गरे ।
%20(1)-1763645320295.jpeg&w=3840&q=75)
