काठमाडौं । भारतका युबा ओपनर ईशान किशनले शानदार रुपमा ऐतिहासिक दोहोरो शतक बनाएसँगै घरेलु टोली बंगलादेशले ४ सय १० रनको लक्ष्य पाएको छ ।
किशनले सबैभन्दा कम बलमा दोहोरो शतक बनाएका हुन् । किशनले १ सय २६ बलमा दोहोरो शतक बनाएका थिए । २०१५ मा वेस्ट इण्डिजका ब्याटर क्रिस गेलले जिम्बाबेकाविरुद्ध १ सय ३८ बलमा दोहोरो शतक बनाएका थिए । दोहोरो शतक बनाउने क्रममा किशनले २३ चौका र ९ छक्का प्रहार गरेका थिए ।
ईशान किशन एकदिवसीयमा दोहोरो शतक प्रहार गर्ने विश्वका सातौं खेलाडी हुन् । रोहित शर्मा, सचिन तेन्दुलकर, क्रिस गेल, मार्टिन गुप्टिल, विरेन्द्र सहवाग र फखार जमानले दोहोरो शतक प्रहार गरेका थिए ।
टस हारेर पहिले ब्याटिङ गरेको भारतले ५० ओभरमा ८ विकेट गुमाएर ४ सय ९ रन बनाएको हो । भारतका लागि ईशान किशनले १ सय ३१ बलमा २ सय १० रन बनाएका थिए । दोहोरो शतक बनाएका किशनले २४ चौका तथा १० छक्का प्रहार गरेका थिए ।
विराट कोहलीले ९१ बलमा ११ चौका र २ छक्काको सहायतामा १ सय १३ रनको शतकीय ईनिङ खेले । वासिङ्टन सुन्दरले ३७ रन जोड्दा अक्षर पटेलले २० रन जोडेका थिए ।
घरेलु टोलीका लागि साकिब अल हसन,टस्किन अहमद र इबाडोट हुसेनले समान २/२ तथा मेहेदि हसन र मुस्ताफिजुर रहमानले समान १/१ विकेट लिए ।
तीन खेलको एकदिवसीय सिरिज घरेलु टोलीले २-० ले जितिसकेको छ । भारत आजको खेलमा जित हासिल गरि सिरिज क्लिन स्विप हुनबाट जोगाउन चाहान्छ ।