काठमाडौं । घरेलु टोली जिम्बावेले बंगलादेशविरुद्धको पहिलो एकदिवसीयमा जित हात पारेको छ।
हरारेमा शुक्रबार भएको खेलमा जिम्बावेले बंगलादेशलाई ५ विकेटले हराएको हो । यससँगै जिम्बावेले ३ खेलको एकदिवसीय अन्तराष्ट्रिय सिरिजमा १-० को अग्रता बनाएको छ ।
पाहुना टोली बंगलादेशले दिएको ३ सय ४ रनको लक्ष्य पछ्याएको जिम्बाबेले ४८ ओभर २ बलमा ५ विकेट गुमाएर पूरा गर्यो ।
उसका लागि ईनोसेन्ट काई र सिकन्दर राजाले शतकीय इनिङ खेले । काईले १ सय १० रन तथा राजाले अविजित रहदै १ सय ३५ रन बनाए । दुवैले १ सय ९२ रनको साझेदारी रह्यो ।
लुक जोन्ग्वेले २४ रन बनाए । बंगलादेशका मुस्ताफिजुर रहमानल, सरिफुल ईस्लाम,मोसाडिक होसेन र मेहिदी हसनले समान १/१ विकेट लिए ।
त्यसअघि पहिले ब्याटिङ गरेको बंगलादेशले ५० ओभरमा २ विकेट गुमाएर ३ सय ३ रन बनाएको थियो ।
उसका लागि तमिम ईकवाल, लिन्टन दास,अनामुल हक तथा मुस्फिकुर रहिमले अर्धशतकीय इनिङ खेले ।
कप्तान ईकवालले ६२,दासले ८१ , हकले ७३ र रहिमले अविजित ५२ रन बनाए । महमुदुल्लाहले अविजित २० रन बनाए । घरेलु टोलीका लागि भिक्टोर न्युउछी तथा सिकन्दर राजाले समान १/१ विकेट लिए ।
दुई टोलीबीचको दोस्रो एकदिवसीय खेल आईतबार हुनेछ ।
