काठमाडौं । टि-१० लिग इन्डोर क्रिकेट प्रतियोगितामा मिक्स्माण्डु र टिम सुबिसुले अन्तिम चारमा स्थान बनाएका छन्।
एस स्पोर्ट्स एण्ड इभेन्ट्सको आयोजनामा जारी प्रतियोगिताको दोस्रो दिन आइतबार मिक्स्माण्डु र टिम सुबिसुले जित निकाल्दै अन्तिम चारमा स्थान बनाएको हो ।
पहिलो खेलमा टिम सुबिसुले सुपरस्म्यासर्सलाई २५ रनले पराजित गर्यो । प्रतियोगिताको पहिलो दिन समेत टिम सुबिसुले थेम्स इन्टरनेसनल माथि जित दर्ता गरेको थियो।
यस्तै दिनको दोस्रो खेलमा प्रेसिडेन्सियल बिजनेस स्कुलले ट्वान्टी फर्स्ट रेस्ट्रोमाथि ४३ रनलको जित हात पार्यो। प्रेसिडेन्सियलले दिएको ८७ रनको लक्ष्य पछ्याएको ट्वान्टी फर्स्ट रेस्ट्रो केवल ४३ रनमा समेटिएको थियो।
दिनको तेस्रो तथा आफ्नो दोस्रो खेलमा सुपर्स्म्यासर्सले थेम्स इन्टरनेसनल कलेजमाथी ४० रनको जित हात पार्यो।
पहिले ब्याटिङ गर्दै सुपर्स्म्यासर्सले दिएको १०४ रनको विशाल लक्ष्य पछ्याएको थेम्स ६३ रनमा समेटिएको थियो।
अन्तिम खेलमा मिक्स्माण्डुले ई-हब माथि ७ विकेटको सहज जित दर्ता गर्यो । टस जितेर पहिले ब्याटिंग गरेको ई-हब मिक्स्माण्डुको धारिलो बलिङको सामु ७.४ ओभरमा ३१ रनमा समेटिएको थियो ।
ई-हबलाई सस्तैमा समेट्न मिक्स्मान्डुका प्रतिष जिसिले २ ओभरमा केवल ५ रन खर्चिएर २ विकेट हात पारे। प्रतिष खेलको प्लेयर अफ् दि म्याच समेत घोषित भए। ३२ रनको सामान्य लक्ष्य मिक्स्माण्डुले केवल २.१ ओभरमा बिना कुनै विकेटको क्षतिमा पूरा गरेको थियो।
