एजेन्सी । नेपाली लेग स्पिनर सन्दीप लामिछाने आबद्द होबार्ट हरिकेन्सले अष्ट्रेलियामा जारी बिग बास लिग (बीबीएल) टी-ट्वान्टी क्रिकेटमा जित निकालेको छ ।
मेलबर्नमा आइतबार भएको खेलमा होबार्टले सिड्नी सिक्सर्सलाई ७ रनले हराएको हो ।
होबार्टले दिएको १ सय ८९ रनको लक्ष्यसहित जवाफी ब्याटिङ गरेको सिड्नीले २० ओभरमा ८ विकेट गुमाएर १ सय ८१ रन मात्र बनाउन सक्यो ।
सिड्नीका जोर्डन सिल्कले ७८ रनको अर्धशतकीय इनिङ्स खेले । यस्तै कप्तान मोइस हेन्रिक्सले ४३ रन जोडे ।
होबार्टका नाथन एलिसले ३ विकेट लिए । सन्दीप लामिछाने र स्कट बोलाण्डले २/२ विकेट लिए ।
सन्दीपले २४ रन खर्चिएर २ विकेट लिएका हुन् ।
सन्दीपले हालसम्म ८ विकेट लिईसकेका छन् ।
यस अघि पहिले ब्याटिङ गरेको होबार्टले २० ओभरमा ८ विकेट गुमाएर १ सय ८८ रन बनाएको थियो ।
होबार्टका लागि म्याथ्यु वेडले सर्वाधिक ८६ रन जोडे । यस्तै डीआर्ची शर्टले ७२ रन बनाए ।
सिड्नीका सिन एब्बट, ज्याक बल र बेनले २/२ विकेट लिए ।
जितसँगै होबार्ट पाँचौं स्थानमा उक्लिएको छ ।
होबार्टले १३ खेलमा २७ अंक जोडेको छ ।
सिड्नी ३२ अंक जोडेर दोस्रो स्थानमा रहेको छ ।
