काठमाडौं । प्रधानमन्त्री कप (पीएम कप) एकदिवसीय पुरुष क्रिकेट प्रतियोगितामा बागमती प्रदेशले लुम्बिनी प्रदेशलाई जितका लागि २ सय २१ रनको लक्ष्य दिएको छ ।
मुलपानी क्रिकेट मैदानमा टस जितेर पहिले ब्याटिङ गरेको बागमतीले ५० ओभरमा ९ विकेट गुमाएर २ सय २० रन बनायो ।
बागमतीका लागि आदील खान र इशान पाण्डेले अर्धशतकीय इनिङ्स खेले ।
आदीलले ५५ रनको इनिङ्स खेल्दा इशानले ५१ रनको योगदान दिए ।
यस्तै आकाश थापाले ३९ रन जोड्दा पृथु बास्कोटाले २९ रन बनाए ।
कप्तान ज्ञानेन्द्र मल्ल १४ रनमा आउट हुँदा नन्दन यादव ११ रनमा अविजित रहे ।
लुम्बिनीका दिपेन्द्र रावतले ३ विकेट लिए । कृष्ण कार्की र सन्दीप सुनारले २/२ विकेट लिए ।
आज बागमती लगातार चौंथो जितको खोजीमा रहेको छ ।
बागमती लुम्बिनीलाई हराएर सेमिफाइनलमा समेत पुग्न चाहन्छ ।
बागमतीले यस अघि पुलिस,सुदूरपश्चिम र प्रदेश-२ लाई हराएको थियो ।
समूह 'बी' को बागमतीले ३ खेलमा ६ अंक जोडेको छ ।
बागमती तालिकाको शीर्ष स्थानमा रहेको छ ।
लुम्बिनी भने तेस्रो जितको खोजीमा हुनेछ ।
लुम्बिनी पनि बागमतीलाई हराएर सेमिफाइनल पुग्ने सम्भावना बलियो बनाउन चाहन्छ ।
लुम्बिनी ३ खेलमा ४ अंक जोडेर दोस्रो स्थानमा रहेको छ ।
.JPG)
