काठमाडौं । एक दशक अघि, सन् २०१० फेब्रुवरी, कीर्तिपुर - त्रिवि क्रिकेट मैदानमा नेपालले आईसीसी विश्व क्रिकेट लिग डिभिजन पाँच अन्तर्गत लिग चरणको अन्तिम खेलमा नेपालले अमेरिकाको सामना गर्दै थियो ।
फाइनल प्रवेशको लागि अमेरिकालाई जित आवश्यक रहेको थियो भने नेपालले खेल हारेमा सिंगापुरसँगको नेट रन रेट तुलना हुने थियो ।
टस जितेर पहिले ब्याटिङ गर्दै नेपालले निर्धारित ५० ओभरमा ९ विकेट गुमाएर मात्र १ सय ६२ रन बनायो । नेपालको लागि ज्ञानेन्द्र मल्लले ५२ रनको अर्धशतकीय इनिङस खेलेका थिए । यस्तै महबुब आलमले ३८ रन बनाउँदा अन्य खेलाडीले सम्झन लायक प्रदर्शन गर्न सकेनन् ।
सहज लक्ष्य अमेरिका नेपाल माथि जितका लागि कुनै मुस्किल देखिएको थिएन । उसले ३२ ओभरमा ५ विकेट गुमाएर १ सय ५० रन बनाएको अवस्थामा नेपाल हार्ने निश्चित देखिएको थियो । तर, दर्शकदिर्घामा बसेका नेपाली समर्थकले मैदानतर्फ ढुंगा प्रहार गर्न थाले । खेल केहि बेर स्थगित भयो ।
४ ओभर घटाएर पुन: खेल संचालनमा ल्याउँदा अमेरिकाले ३३ ओभर ३ बलमा लक्ष्य पुरा गर्यो । एक दशक अघि नेपाली समर्थकबाट भएको त्यो गल्तिले अहिले पनि लज्जाबोध गराउने गरेको छ ।
खेल हारे पनि नेपाल नेट रन रेटको आधारमा सिंगापुरलाई पछि पर्दै फाइनल पुग्यो । फाइनलमा नेपालले अमेरिकालाई ५ विकेटले पराजित गर्दै आईसीसीको पहिलो उपाधि जित्न सफल भयो ।
टस जितेर पहिले ब्यटिङ गरेको अमेरिकाले राम्रो सुरुवात गरेको थियो । तर, नेपालका बलर राहुल विश्वकर्माले अमेरिकाको गतिमा डिसब्रेक लगाइदिए ।
३ विकेट गुमाएर १ सय ४३ रन बनाएको अमेरिकालाई राहुलको उत्कृष्ट बलिङमा बाँकी २९ रन जोड्दा अल आउट भयो । राहुल एक्लैले ७ विकेट लिए । ८ ओभर २ बलमा २ मेडन सहित मात्र १५ रन खर्चेर ७ विकेट हात पारे । ७ विकेट लिनु अघि उनले अमेरिकाका ओर्लाण्डो बेकारलाई ४९ रनमा रन आउट समेत गरेका थिए ।
सन् २०१० को यो प्रतियोगिता नेपालको सम्झन लायक मध्येको एक प्रतियोगिता बन्यो । क्रिकेट समर्थकको खराब व्यवहारसंगै आईसीसी उपाधि र अमेरिकाविरुद्धको फाइनल बदला, बिर्सन सकिन्न ।
सोहि प्रतियोगिताको लागि अमेरिका अन्तिम पटक नेपाल आएको थियो । अब १० वर्षपछि फेरी अमेरिका त्यही मैदानमा खेल्न फर्किंदै छ । विश्व क्रिकेट लिग-२ को लागि एकदिवसीय सिरिज खेल्न पुन: अमेरिका नेपाल आउन लागेको हो ।
प्रतियोगिता माघ २२ गते देखि २९ गतेसम्म त्रिवि क्रिकेट मैदानमा संचालन हुनेछ । सिरिजमा नेपालसँगै ओमान र अमेरिका रहेका छन् ।
यस सिरिज नेपालको पहिलो घरेलु मैदानमा एकदिवसीय अन्तराष्ट्रिय खेल र प्रतियोगिता हुनेछ । एकदिवसीय अन्तराष्ट्रिय मान्यता पाएको नेपालले २ वर्षपछि घरेलु मैदानमा एकदिवसीय अन्तराष्ट्रिय खेल खेल्न लागेको हो ।
त्रिकोणात्मक सिरिजमा नेपालले माघ २५ र २९ गते अमेरिकाको सामना गर्नेछ ।
नेपाल र अमेरिकाको - हेड टु हेड
हालसम्म नेपाल र अमेरिका ११ पटक एकदिवसीयमा आमने सामने भएका छन् । जसमा नेपालले ५ पटक जितेको छ भने अमेरिकाले ३ खेल जितेको छ । ३ खेल भने नतिजा विहिन भएका छन् ।
अमेरिका र नेपाल पहिलो पटक जर्सीमा भएको सन् २००८ को डिभिजन पाँचमा खेलेका थिए । जुन खेल नतिजाविहिन भएको थियो । टस जितेर पहिले ब्याटिङ गरेको नेपालले निर्धारित ५० ओभरमा अल आउट हुँदै १ सय ८२ रन बनायो । तर खराब मौषमका कारण अमेरिकाको इनिङ सुरु हुन सकेन र दुवै टिमले अंक बाँडेका थिए ।
यस्तै सोहि प्रतियोगितामा तेस्रो स्थानको लागि भएको खेलममा नेपालले अमेरिकालाई ९६ रनले पराजित गरेको थियो । नेपालले प्रस्तुत गरेको १ सय ९० रनको लक्ष्य पछ्याएको अमेरिका ४३ भर ४ बलमा ९३ रनम अल आउट भयो ।
(सन् २०१० को डिभिजन पाँचको नेपाल र अमेरिकाको २ खेल माथि बर्णन गरिएको छ ।)
इटालीमा भएको सन् २०१० को डिभिजन चारमा समेत खेल नतिजा आउन सकेन । पहिलो इनिङमा नेपालले १४ ओभरमा २ विकेट गुमाएर ५१ रन बनाउँदा पानी परेपछि खेल रोकिएको थियो ।
यस्तै सोहि प्रतियोगितामा नेपाल पहिलो पटक अमेरिकासँग पराजित भयो । लिग चरणको खेलमा नेपाल अमेरिकासँग ५५ रनले पराजित भयो । अमेरिकाले दिएको २ सय ४ रनको लक्ष्य नेपाल १ सय ४८ रनमा अल आउट भयो ।
सन् २०१२, मलेसियामा भएको डिभिजन चारमा नेपालले अमेरिकालाई ३२ रनले पराजित गर्यो । नेपालले पहिले ब्याटिङ गर्दै सुवास खकुरेलको शतकमा २ सय ५८ रन बनायो । सुवासले १ सयमा १ सय १५ रन बनाए । २ सय ५९ रनको लक्ष्य पछ्याएको अमेरिका भने २ सय २६ रनमा अल आउट भयो । नेपालको जितमा बसन्त रेग्मीले ५ विकेट लिए ।
सोहि प्रतियोगितामा नेपालले अमेरिकालाई ८ विकेटले पराजित गर्यो । पहिले ब्याटिङ गरेको अमेरिका मात्र १ सय ४५ रनमा अल आउट भयो । अमेरिकालाई सस्तैमा समेट्न बसन्त रेग्मीले ५ विकेट लिए । जवाफी ब्याटिङ गरेको नेपालले २८ ओभरमा २ विकेट गुमाएर लक्ष्य पुरा गर्यो । नेपालको जितमा ज्ञानेन्द्र मल्लले ६६ रनको अर्धशतकीय इनिङ्स खेले ।
सन् २०१३ बर्मुडामा भएको डिभिजन तीन, नेपाल अमेरिकासँग ९४ रनले पराजित भयो । अमेरिकाले दिएको ३ सय ६७ रनको फराकिलो लक्ष्य पछाएको नेपालले ५० ओभरमा २ सय ७२ रन बनाउँदा अल आउट भयो । नेपालका लागि कप्तान पारस खड्का (७३ रन) र शरद भेषवाकर (७२ रन) को अर्धशतकीय इनिङ्स खेले पनि जित दिलाउन सकेनन् ।
सन् २०१४ मलेसियामा भएको लिग डिभिजन तीनको पहिलो खेलमा खराब मौषमका कारण खेल नतिजा विहिन भयो । दोस्रो खेलमा भने नेपाल डीएल पद्दतिमा १० रनले विजयी भएको थियो ।
अमेरिकाले दिएको २ सय २४ रनको लक्ष्य पछाएको नेपालले २२ ओभरमा १ विकेट गुमाएर ७३ रन बनाउँदा खराब मौषमले खेल विथोलेको थियो । सो खेलमा सुवास खकुरेल ४९ रनमा अविजित रहँदा नेपाल १० रनले विजयी भयो ।
-1751597995.webp)
-1751593454.webp)
